Құрма қосылған құймақ

Уикикітап жобасынан

Алты адамға арналған рецепт.

Қажетті тағам түрлері[өңдеу]

400 г құрма, 2 дана лимон, 2 дана жұмыртқа, 8 ас қасық ұн, 4 ас қасық қант, 4 ас қасық сары май, 3 ас қасық жеміс-жидек шырыны, дәміне қарай тұз.

Дайындау тәсілі[өңдеу]

Құрманы екіге бөліп, сүйегін алып тастайды. Лимонды жуып, екіге бөліп, шырынын бөліп алады да, ұсақтап турайды.

Жұмыртқаға тұз, қант, сары май, 3 ас қасық лимон шырынын қосып араластырады. Осы қоспаға ұн салып, жайлап араластыра отырып, үстіне су құйып илейді. Қамырды бөлме температурасында 10-15 минутка қояды.

Сүйегінен ажыратылған құрмаға лимон шырынын қосып, еттартқыштан өткізеді. Сөйтіп оған жеміс-жидек сиропын қосады.

Қызып тұрған табаға құймақтың бір бетін пісіреді. Піскен бетіне дайын фаршты салып конверт тәрізді орайды да құймақтың екі жағын да пісіреді.

Дайын болған құймақты сары маймен бетіне қант ұнтағын сеуіп ұсынады.