Картоп салаты

Төрт адамға арналған рецепт.

Қажетті тағам түрлері

• 500 г картоп
• пияздың жасыл сабағы
• 75 мл көкөніс сорпасы
• 1 ас қасық қыша
• 4 ас қасық өсімдік майы және қалауыңызға қарай тұз бен бұрыш және алма сірке суы.

Дайындау тәсілі

Картопты қабығымен тұз салынған суда 25 минуттай пісіреді. Піскеннен кейін шамалы суыта тұрып, қабығын аршиды. Картопты тазалағаннан кейін дөңгелектеп турап, ыдысқа салып қояды.

Пиязды аршып, сақина тәрізді жіңішкелеп турайды. Көкөніс сорпасын жылытып, оған қыша, сірке суы және тұз бен бұрышты қосады. Осы дайындаған қоспаны картоптың үстіне құяды. Оның бетіне жасыл пиязды сеуіп, жаймен араластырады. Сонсоң салатты бір сағатқа қоя тұру керек. Үстелге қоярдан бұрын оған өсімдік майын құйып, тағы бір араластырып алады.