Жұмыртқа қосылған бауыр пісірмесі

Төрт адамға арналған рецепт.

Қажетті тағам түрлері

• 9 дана жұмыртқа
• 1 дана тәтті нан
• 1 банка ұнтақталған бауыр
• 200 мл қаймақ
• жұмыртқаның
• 1 сарыуызы
• 50 г сары май
• қажетіне қарай тұз
• бұрыш, ақжелкен және майоран дәмдеуіші

Дайындау тәсілі

Алдымен 8 дана жұмыртқаны бүтіндей суға пісіріп алады. Сонсоң қабықтарын аршып, ортасынан тең бөледі. Әрбір жұмыртқаның ішкі сарыуызын жеке алып, шанышқымен езеді де ақуызын жеке алып қояды. Жұмыртқаның сарыуызына алдын ала сүтке батырып қойған нанды, бір шикі жұмыртқаны, ақжелкенді және ұнтақталған бауырды қосып, жақсылап араластырады. Мұны жоғарыдағы жеке алып қойған жұмыртқаның ақуызына толтырып салады.

Пісіретін қалыпқа май жағып, жұмыртқа ақуыздарын тізіп қояды. Сосын қаймақ пен шикі жұмыртқаның сарыуызын және ұсақталып туралған екі ас қасық ақжелкеді қосып араластырады да жұмыртқалар салынған қалыптың бетіне құяды. Оның үстіне сары майды салып, қыздырма пешке пісіреді. Әбден піскеннен кейін дастақанға картоп езбесімен бірге беріледі.