Жасыл бұршақ сорпасы

Төрт адамға арналған рецепт.

Қажетті тағам түрлері

450 г мұздатылған жасыл бұршақ, 1 бума жасыл пияз, 2 дана картоп, 2 ас қасық сары май, 1 литр тауық сорпасы, 150 мл қаймақ, 1-2 шай қасық желкек, 4 ас қасық қуырылған ақ нан бөлшектері.

Дайындау тәсілі

Алдымен бұршақты жібітіп қоя тұрады. Ал жасыл пиязды жуып құрғатқаннан кейін, сақиналап кеседі. Картопты аршып, жуған соң, төртбұрыштап турайды.

Үлкенірек кастрөлге сары майды ысытып, оған жасыл пияз бен картопты щамалы қуыра тұрады. Оның үстіне бұршақты салып араластырады. Сонсоң оған тауық сорпасын құйып, кастрөлдің қақпағын жауып, 20 минуттай қайнатады. Желкекті қаймақпен араластырып қоя тұрады. Одан кейін сорпадан 4 ас қасық жасыл бұршақты алып қояды да қалғанын блендермен айналдырады. Кастрөлдегі бұршақ езбеге айналған соң сорпаны сүзіп, оған қаймақ қосылған желкек пен жеке алып қойылған бұршақты салып, отқа қояды. Бір қайнағаннан соң тұз бен бұрышын қосып, тәрелкелерге бөліп құяды. Ең соңында сорпаның бетіне қуырылған ақ нан бөлшектерін себеді. Тойымды бұршақ сорпасын ақжелкен немесе сакөкпен безендіріп, дастарқанға үсынады.