Алжир салаты

Алты адамға арналған рецепт.

Қажетті тағам түрлері

1 дана қияр, 1 жасыл тәтті бұрыш, 50 г сүйексіз зәйтүн жемісі, 1 ас қасық күнзе, 2 ас қасық жалбыз, 2 ас қасық зәйтүн немесе күнбағыс майы, дәміне қарай тұз бен бұрыш және шамалы сірке суы қажет.

Дайындау тәсілі

Қияр мен тәтті бұрышты әбден тазартып жуады. Одан кейін бұрышты екіге бөліп, сабағы мен ортасындағы өзегінен (тұқымы) тазартады. Сосын оларды төртбұрыштап турайды. Зәйтүн жемісін де кішілеу етіп турап, бәрін бірге түбі тереңірек ыдысқа салады. Бұған жоғарыдағы дәмдеуіштерді және сірке суы мен зәйтүн майын құйып, жақсылап араластырады. Ең соңында әркім өз қалауынша тұз бен бұрыш қосады. Осымен салат дайын. Бұл Алжир салаты дастарқанға қой етімен бірге тартылса, тіпті дәмді болары сөзсіз.