Император құймағы
Екі адамға арналған рецепт.
Қажетті тағам түрлері
[өңдеу]4 дана жұмыртқа, 250 г ұн, 8 ас қасық мейіз, 2 шай қасық коньяк, 4 ас қасық қант, 1 ас қасық салқын сүт, 60 г сары май, қант ұнтағы және тұз.
Дайындау тәсілі
[өңдеу]Мейізді ыстық сумен жуып, құрғату үшін орамалға жайып қояды. Сосын оның үстіне коньяк себеді. Одан кейін жұмыртқаны жуып, оның ақуызы мен сарыуызын бір-бірінен бөліп алады.
Енді қамырды дайындау керек. Ұнға 3 ас қасық қант, сүт, шамалы тұз және жұмыртқа сарыуызын қосады. Бәрін біркелкі қоймалжың болғанға дейін жақсылап араластырады. Қалған қант пен жұмыртқа ақуызын миксермен немесе бұлғауышпен қатты айналдырады. Бұл ақ көбікті қоймалжың қамырға жайлап қосады.
Табаға сары майды ерітіп, дайын болған қамырды құйып, оның үстіне мейізді себеді. Құймақтың түбі сарғайғаннан кейін, оны еппен аударып, келесі жағын пісіреді. Екі жағы әбден піскеннен кейін құймақты оттан түсіріп, суыта тұрады. Оны табадан алмастан бірнеше бөлікке бөліп, 2 минуттай қоя тұрады. Сонсоң тәрелкеге салып, үстіне қант ұнтағын сеуіп, дастарқанға қояды. Бұл шайға қойылатын керемет дәмді тәттілік болып табылады.